धडा ८: ऋतू कसे होतात - भाग २

वर्षभरात सूर्य उत्तरेकडे किंवा दक्षिणेकडे सरकल्यासारखा दिसतो, त्याला सूर्याचे आभासी भ्रमण म्हणतात. खरे तर सूर्य कोठेही हलत नाही.

पृथ्वी सूर्याभोवती लंबवर्तुळाकार कक्षेत फिरते. सूर्यनीच म्हणजे सर्वांत जवळची स्थिती आणि सूर्योच्च म्हणजे सर्वांत दूरची. विषुवदिनी दिवस-रात्र सारखी असते आणि अयनदिनी सूर्यकिरणे कर्कवृत्त किंवा मकरवृत्तावर लंब पडतात.

२१ जून हा उत्तर गोलार्धातील सर्वांत मोठा दिवस आणि २२ डिसेंबर सर्वांत लहान. आर्क्टिक वृत्तापासून उत्तर ध्रुवापर्यंत सूर्य २४ तास किंवा जास्त काळ दिसतो; विषुववृत्तावर दिवस-रात्र वर्षभर सारख्या असतात.

पृथ्वीचा अक्ष कललेला असल्यामुळे ऋतू आणि विविधता निर्माण होते. ऋतुचक्राचा सजीवसृष्टीवर, शेतीवर आणि पक्ष्यांच्या स्थलांतरावर परिणाम होतो.